En El alecrim, os personaxes percorren a provincia de Ourense acompañados pola vibrante flor do toxo e do romeu, envolvidos no aroma fragante dos seus bosques, da música popular e dos fados que forman parte desa beleza de rochas e arboledas que se chama Baixa Limia.
Nesta paraxe aparentemente tranquila, sementado de matogueiras e arbustos, que pode levar a un xuíz municipal a querer abandonar o seu cargo no Carballiño? A explicación talvez nola dean algúns cambios que marcaron a nosa historia para sempre, como o alzamento do xeral Primo de Rivera. E que pode impulsar a un cómodo avogado conservador a axudar ao xuíz e involucrarse no seu destino? Talvez o descubrimento da amizade, a lealdade, o amor… e a astucia secular do galego, capaz de utilizar as costuras do poder para escapar da súa influencia.
Aventuras, amores e viaxes frenéticas por toda a provincia de Ourense ata chegar a Portugal sucédense nesta novela, ambientada na época convulsa de 1923, co país metido no avispero da guerra de Marrocos e os partidos incapaces de acordar solucións.
Se cadra El alecrim vénnos lembrar que debemos coñecer a nosa historia para non repetila, ou que hai partes desta que sempre regresan.
Autora: Beatriz C. Estévez Fontenla
Nada en Vigo en xuño de 1966, é avogada desde fai máis de vinte anos, actividade que compatibiliza coa docencia no Centro Superior de Hostalería de Galicia en Santiago de Compostela, onde vive.
Especialista en Responsabilidade Social Corporativa, é Doutora pola USC. Participou na elaboración de varias das Leis Turísticas de Galicia e nas primeiras compilacións de normativa turística galega e estatal. Autora de varios manuais de lexislación turística e laboral, El alecrim é a súa primeira incursión pública na novela, aínda que escribe desde a adolescencia.
As súas inquietudes artísticas levárona a participar nas óperas A Traviata e Aida. Actualmente canta como mezzosoprano na coral Madrigalia
Descargar ficha:
Reseñas
Aínda non hai valoracións.