As vidas de dúas vibrantes e intensas mulleres crúzanse nunha circunstancia determinada da vida. As dúas relátanse as súas historias. Elas son moi diferentes, pero comparten iniciais (M. M.): Maruja Mallo e Marina Méndez. Unha é unha anciá inválida atada a unha cama tras unha vida de intensa liberdade; a outra, unha moza cunha existencia crúa e cruel.
Maruja relátalle a súa extensa e talentosa carreira que corre ao longo de todo o século vinte entre as dúas grandes movidas madrileñas: a dos anos vinte e a dos anos oitenta. Marina, pola súa banda, cóntalle o seu cruel periplo vital desde os oito anos ata o seu encontro coa anciá. Maruja fainos viaxar polas correntes pictóricas e poéticas españolas ao longo de case cen anos e Marina convértese na voz de centos de mulleres que sufriron o acoso moral dunha institución que desapareceu xa ben entrada a democracia: El Patronato de la Mujer.
O autor, avalado polos seus coñecementos de arte e nun enxeñoso exercicio de imaxinación, busca ademais situar a Maruja Mallo no lugar que sempre debeu ocupar na historia e reivindicala como o cuarto vértice do xenial polígono que formou xunto a Lorca, Buñuel e Dalí.
Autor: Carlos Moreno Lugrís
Médico de profesión e residente na cidade de Lugo desde hai máis de 30 años. Esta é a súa segunda novela publicada.
Descarga a ficha de “El cuarto vértice”:
Reseñas
Aínda non hai valoracións.