Onde está Otti?
Unha pequena historia sobre como, ás veces, perderse é encontrarse.
Autora: Silvia Penide
Silvia Penide naceu en Meicende-Arteixo (A Coruña) en 1979. Cantautora, narradora e poeta, foi galardoada co Premio Martín Códax e o Premio Alas en tus pies, entre outros.
A sensibilidade que manifesta nas súas cancións conecta inmediatamente co público e levouna a tocar en diferentes eventos e festivais, tanto dentro coma fora das fronteiras españolas. Compartiu escenario con artistas da talla de Víctor Manuel, Javier Álvarez e Mercedes Ferrer.
Entre xira y xira, publicou un libro infantil e un poemario, nos que tende unha ponte directa cara a comunicación entre as persoas, apelando á empatía, a reflexión e o sentido do humor.
Agora regresa con Onde está Otti? para invitarnos a ver que na perda tamén podemos atoparnos. Unha pequena viaxe emocional que nos conecta coa nosa parte máis vulnerable e humana.
Ilustradora: Estefanía Padullés
Nacín nun pequeno pobo dos Pireneos. Licencieime en Bioloxía pola Universidade de Barcelona. Tras viaxar por distintos países para completar os meus estudos con animais, trasladeime a Almería para traballar nun Centro de Recuperación de Fauna Mariña. Posteriormente fun Responsable do departamento de Educación e axudante do departamento de Conservación nun Zoolóxico onde realizaba o deseño e a ilustración de campañas para a protección de especies ameazadas así como o material educativo (libros ilustrados, carteis, pósters).
Á parte do meu traballo como bióloga, nunca deixei de pintar ou debuxar. Cando tiven a ocasión expuxen cadros e participei nalgún libro de relatos curtos.
Nos últimos anos, desde que vivo en Galicia, realicei varios contos ilustrados, O desexo do gato Klops, A canción do sol, Max e Lea, A manchas ou a raias?, Leopoldo, o pequeno monstro, Que mal día, gato Klops!, A miña cadeliña, María Pita e o Pirata o valor dunha heroína, A pantasma do castelo, Porlier e a súa loita pola liberdade e O reino de Libeliño son os publicados por Hércules de Ediciones.
Descarga a ficha técnica de “¿Dónde está Otti?”:
Descarga a ficha técnica de “Onde está Otti?”:
Reseñas
Aínda non hai valoracións.