Un fillo escríbelle unha longa carta á súa nai, que non sabe ler. A carta é en realidade un exame de conciencia, un repaso aos elementos clave que foron conformando a súa identidade como fillo dunha familia de vietnamitas que fuxiu do seu país rumbo aos Estados Unidos e como mozo que descobre e asume a súa homosexualidade.
Esta novela é asemade un testemuño do amor tenso pero innegable entre unha nai solteira e o seu fillo, e unha exploración brutalmente honesta da raza, a clase, a sexualidade e a masculinidade.
Somos un pestanexo radiante na Terra trata tanto do poder de contar a propia historia como do silencio devastador de non ser escoitado. Con asombrosa urxencia e elegancia, Ocean Vuong escribe sobre persoas atrapadas entre mundos dispares e pregunta como podemos sandarnos e rescatarnos entre nós sen abandonar quen somos. A cuestión de como sobrevivir e como facer diso unha especie de alegría impulsa a novela debut máis importante en moitos anos.
Autor: Ocean Vuong
Ocean Vuong (Ho Chi Minh, antes Saigón, 1988) emigrou aos Estados Unidos coa súa familia en 1990 tras pasar un ano nun campo de persoas refuxiadas en Filipinas. En 2014 recibiu a bolsa Ruth Lilly / Sargent Rosenberg da Poetry Foundation, e co poemario Night Sky with Exit Wounds gañou os premios Whiting, Forward e T. S. Eliot. Os seus textos foron publicados en medios como The Atlantic, Harper’s, The Nation, New Republic, The New Yorker e The New York Times. É profesor no Amherst College de Massachusetts. Somos un pestanexo radiante na Terra é a súa primeira novela.
Descarga a ficha de “Somos un pestanexo radiante na Terra”:
Reseñas
Aínda non hai valoracións.